दृष्टिको दोष मायोपिया (Myopia) अर्थात् निकट दृष्टितामा नजिकका चीजहरू ठीक देखिन्छन्, तर दूरका चीजहरू स्पष्ट देखिँदैनन् । दूरका चीजहरूका तस्वीरहरू ‘दृष्टि पटल (cornea)’ मा नपरेर त्यसको अगाडि फोकस (focus) हुन्छन्, असैले तिनीहरू स्पष्ट देखिँदैनन् ।
यदि आँखाको सामुन्ने सही पावरको कन्केभ लेन्स (Concave Lens) लगाउने हो भने यी किरणहरू दृष्टिपटलमा केन्द्रित हुन्छन् ।
प्रकार: मायोपियाका दुई प्रकारहरू हुन्छन्
१. सादा मायोपिया (Simple Myopia)
यस प्रकारका मायोपिया भएको व्यक्तिको आँखाको पावर माइनस ६ भन्दा बढी हुँदैन । यस किसिमका सादा मायोपियामा आँखाको पर्दामा कुनै खराबी हुँदैन र भविष्यमा आँखा खराब हुने डर हुँदैन ।
यद्यपि यी मानिसहरूले दूरको चीज स्पष्ट देख्दैनन्, तर यी मानिसहरू चश्माबिना पनि पढ्न सक्छन् । यी मानिसहरूको आँखामा बल नपरोस् भनेर यिनीहरूलाई हर समयमा चश्मा लगाइराख्ने राय दिइन्छ ।
२. पेथोलजिकल मायोपिया (Pathological Myopia)
यो बाल्यकालमा पाँचदेखि दस वर्षको उमेरमा शुरू भएर पच्चीस-तीस वर्षको उमेरसम्म माइनस १५ देखि माइनस २५ को पावरसम्म पुग्छ । यसमा चालीस-पचास वर्षको उमेर पुग्दा दृष्टिपटल’ मा खराबी आउन थाल्छ । यसमा छिद्र बन्ने हुनाले त्यो अक्सर आफ्नो स्थानबाट हट्छ, अर्थात् त्यसको डिटेचमेन्ट (Detachment) हुन्छ ।
यद्यपि माइनस ६ को पावरभन्दा कम मायोपियामा त्यो बढ्छ या बढ्दैन | भन्न मुश्किल हुन्छ, तर यदि सात-आठ | वर्षको बच्चामा यो माइनस ६ सम्म पुग्यो भने यो पेथोलजिकल मायोपिया हुनसक्छ । यिनीहरूको आँखा लम्बाइमा पछाडि फैलिन्छ ।
